काठमाडौंँ । साउदी अरेबियामा कार्यरत आप्रवासी कामदारहरू जोखिमपूर्ण र असुरक्षित कार्यस्थलका कारण गम्भीर दुर्घटनाहरूमा परिरहेका छन्। पछिल्ला रिपोर्टहरू अनुसार धेरै कामदारहरू करेन्ट लागेर, मेसिन वा अन्य उपकरणले टाउको छिनिएर, र अग्लो ठाउँबाट खसेर मृत्यु भएको घटनाहरू बाहिर आएको ह्युमन राइट्स वाचले जनाएको छ ।
मानव अधिकार समुहहरूले साउदी अरेबियामा आप्रवासी श्रमिकहरूलाई दिइने कार्यस्थल सुरक्षा, स्वास्थ्य सुरक्षाका उपाय र उचित तालिमको अभावले यस्ता घटनाहरू बढ्दै गएको बताएका छन्। अधिकांश घटनाहरू निर्माण, सरसफाइ, र औद्योगिक क्षेत्रमा हुने गरेका छन्, जहाँ सुरक्षा मापदण्डको पालना नगरी काम गर्न बाध्य पारिन्छ।
दुर्घटनामा ज्यान गुमाउनेहरूमा दक्षिण एसियाली देशहरू – नेपाल, भारत, बंगलादेश, र पाकिस्तानका नागरिकहरू मुख्य रूपमा परेका छन्। मानव अधिकारवादीहरूले साउदी सरकारसँग आप्रवासी कामदारहरूको सुरक्षा सुनिश्चित गर्न र दुर्घटनाको अनुसन्धान गरी दोषीमाथि कारबाही गर्न माग गरेका छन्।
Picture : Migrant workers at a construction site near Riyadh, Saudi Arabia, March 2, 2024. © 2024 Jaap Arriens/Sipa via AP Photo
