नेपाली राजदूतावास सिओलले राहदानी नवीकरण र श्रमिक सचेतना शिविर सञ्चालन गर्ने

everest kitchen

सिओल, दक्षिण कोरिया | मे ३०, २०२५

नेपाली राजदूतावास, सिओलले कोरियामा रहेका नेपाली नागरिकहरूलाई सहज र सरल रूपमा सेवा प्रदान गर्न पुनः एक पटक राहदानी घुम्ती शिविर तथा श्रमिक सचेतना कार्यक्रमको आयोजना गर्ने भएको छ।

राजदूतावासको आयोजनामा र नोन्सान नेपाली समाजको सहकार्यमा यो कार्यक्रम यही ८ जुन २०२५ (२५ जेठ २०८२) मा नोन्सानमा सञ्चालन हुने भएको हो। यो कार्यक्रम राजदूतावासद्वारा विगतमा सञ्चालन गरिँदै आएको शिविरहरूको निरन्तरता हो।

 सेवाहरू:

• राहदानी नवीकरण सेवा

• श्रमिक सचेतना कार्यक्रम

• कन्सुलर जानकारी र कानुनी सहायता

 विशेष जानकारी:

राजदूतावासले प्रष्ट पारेको छ कि राहदानी तथा कन्सुलर सेवामा कानुनले तोकेको शुल्क बाहेक अन्य कुनै पनि शुल्क लाग्ने छैन। साथै, राहदानी नविकरणका लागि १ वर्षभन्दा कम म्याद बाँकी भएका सेवाग्राहीहरूले आज (३० मे) ३ बजेपछि फर्म भरेर प्राप्त भएको QR कोड सम्बन्धित सम्पर्क व्यक्तिलाई अनिवार्य रूपमा पठाउनु पर्नेछ।

महत्त्वपूर्ण सूचनाहरू:

• अवैधानिक रूपमा बसोबास गरिरहेकाहरूको राहदानी नवीकरण सो स्थानबाट गरिने छैन।

• नवजात शिशुको राहदानी सेवा भने केवल दूतावासबाट मात्र उपलब्ध हुनेछ।

• राहदानीको शुल्क अनलाइन भुक्तानी माध्यमबाट मात्र स्वीकार्य हुनेछ।

आवश्यक कागजातहरू:

1. पुरानो राहदानी र त्यसको प्रतिलिपि (फ्रन्ट र ब्याक पेज)

2. नागरिकताको प्रतिलिपि (फ्रन्ट र ब्याक पेज)

3. सक्कल रेसिडेन्स कार्ड

4. थुङ्गको लागि ₩3000 (कोरियन वोन) नगद

सम्पर्क व्यक्ति:

• टेक बहादुर: 010-5957-5829

• पीएन शेर्पा: 010-7444-0203

• सोनाम शेर्पा: 010-7266-4721

• ईश्वर देवकोटा: 010-2966-2219