everest kitchen 
अहमदाबाद, भारत | असार २८ – एयर इन्डियाको एक अन्तर्राष्ट्रिय उडानका लागि तयारी अवस्थामा रहेको विमान आज बिहान अहमदाबाद विमानस्थल नजिकै दुर्घटनामा परेको छ। भारतीय सञ्चारमाध्यम टाइम्स अफ इन्डियाका अनुसार विमान लन्डन उडान भर्ने क्रममा दुर्घटनामा परेको हो।
भारतीय नागरिक उड्डयन महानिर्देशनालय (DGCA) का अनुसार उक्त विमानमा कुल २४२ जना सवार थिए। तीमध्ये २३० जना यात्रु, २ जना पाइलट र १० जना क्याबिन क्रू सदस्य रहेको जनाइएको छ।
दुर्घटनाको कारणबारे विस्तृत जानकारी सार्वजनिक गरिएको छैन तर प्रारम्भिक रिपोर्टका अनुसार टेकअफका क्रममा विमानमा प्राविधिक समस्या देखा परेको हुनसक्ने अनुमान गरिएको छ।
स्थानीय समय अनुसार बिहान करिब १०:१५ बजे घटना भएको थियो। उद्धारकार्य जारी रहेको र यात्रुहरूको अवस्थाबारे थप विवरण आउन बाँकी रहेको अधिकारीहरूले बताएका छन्।
