१३ जून २०२५ | लिस्बन
हिमाल टाईम्स संवाददाता
लिस्बनस्थित नेपाली राजदूतावासले विद्युतीय राहदानी (E-Passport) को अनलाइन अपोइन्टमेन्ट प्रणाली सम्बन्धी महत्त्वपूर्ण सूचना जारी गरेको छ।
दूतावासका अनुसार, प्रत्येक शुक्रबार साँझ करिब ५ बजे (कार्यालय बन्द हुने समयमा) तथा यदि शुक्रबार सार्वजनिक बिदा परेको खण्डमा बिदापछि पहिलो कार्यदिवसको बिहान करिब १० बजे, नयाँ राहदानीका लागि अनलाइन अपोइन्टमेन्ट खुला गरिनेछ।
🔗 अनलाइन अपोइन्टमेन्ट लिँने पोर्टल:
👉 https://emrtds.nepalpassport.gov.np/
राहदानी आवेदन गर्दा ल्याउनु पर्ने कागजातहरू:
अनलाइन अपोइन्टमेन्टको प्रिन्ट (PDF मा प्रिन्ट गरेर)
पुरानो सक्कल राहदानी र फोटोकपी
नेपाली नागरिकता प्रमाणपत्र र फोटोकपी
नागरिकता नभएका वालवालिकाको हकमा:
-
जन्मदर्ता प्रमाणपत्र
-
नावालक परिचयपत्र
-
बाबुआमाको राहदानी र नागरिकता
-
विवाह दर्ता
-
पुरानो राहदानी
-
सबै कागजातहरूको फोटोकपी
राहदानीका लागि लाग्ने शुल्क (नगदमा अनिवार्य):
| प्रकार | शुल्क (युरो) |
|---|---|
| राहदानी नविकरण (वयस्क) | €120 |
| हराएको/बिग्रिएको राहदानी | €180 |
| १० वर्ष मुनिको राहदानी नविकरण | €60 |
| १० वर्ष मुनिको हराएको राहदानी | €90 |
धेरै सेवाग्राहीले कागजातको फोटोकपी तथा शुल्क नगदमा नल्याएको कारण समस्या परेकाले, दूतावासले सबैलाई यी कुरामा विशेष ध्यान दिन आग्रह गरेको छ।
