everest kitchen 
श्रम, रोजगार तथा सामाजिक सुरक्षा मन्त्रालयद्वारा राजपत्रमा सूचना प्रकाशित
काठमाडौं, नेपाल सरकार, श्रम, रोजगार तथा सामाजिक सुरक्षा मन्त्रालयले वैदेशिक रोजगार ऐन, २०६४ को दफा २३ अनुसार संयुक्त अरब इमिरेट्स (UAE) मा कामगर्न जाने नेपाली कामदारहरूको लागि नयाँ न्यूनतम मासिक पारिश्रमिक तोकेको छ। सो निर्णय नेपाल राजपत्र भाग ५, संख्या १४ मा आधिकारिक रूपमा प्रकाशित गरिएको हो।
मन्त्रालयका अनुसार वर्गीकरणअनुसार पारिश्रमिक निम्नानुसार निर्धारण गरिएको छ:
नयाँ न्यूनतम पारिश्रमिक दर (UAE Dirham – AED)
| सि.नं. | कामदारको वर्गीकरण | न्यूनतम पारिश्रमिक | खाना खर्च | कुल मासिक पारिश्रमिक |
|---|---|---|---|---|
| १ | अदक्ष (Unskilled) | AED 1,000 | AED 400 | AED 1,400 |
| २ | अर्धदक्ष (Semi-Skilled) | AED 1,200 | AED 400 | AED 1,600 |
| ३ | दक्ष (Skilled) | AED 1,500 | AED 400 | AED 1,900 |
| ४ | उच्च दक्ष (Highly Skilled) | AED 6,000 | AED 400 | AED 6,400 |
उक्त सूचना नेपाल राजपत्रमा प्रकाशित भई मुद्रण विभागबाट प्रमाणित भएपछि मात्र आधिकारिक रूपमा लागू हुनेछ।
संबन्धित रोजगारदाता, वैदेशिक रोजगार कम्पनी, नेपाली कामदार र रोजगार अनुमति प्रक्रियामा संलग्न सबै पक्षहरूले यस निर्णयको पालना गर्नुपर्नेछ।
