everest kitchen 
ओसाका, जापान — गैरआवासीय नेपाली संघ (NRNA) जापान अन्तर्गत कान्साई क्षेत्रीय समितिको १०औं अधिवेशन भव्य रूपमा सम्पन्न भएको छ। अधिवेशनले सर्वसम्मत निर्णयमार्फत भीम काउचाको संयोजकत्वमा नयाँ कार्यसमिति चयन गरेको हो।
नवगठित कार्यसमितिमा विभिन्न पदाधिकारी तथा सदस्यहरू समेटिएको छ। नयाँ नेतृत्वले आगामी कार्यकालमा प्रवासी नेपालीहरूको हकहित संरक्षण, समुदायभित्र एकता प्रवर्द्धन, र एनआरएनएलाई थप प्रभावकारी र उत्तरदायी संस्था बनाउने प्रतिबद्धता व्यक्त गरेको छ।
कार्यक्रममा एनआरएनए जापानका पदाधिकारीहरू, स्थानीय नेपाली समुदायका अगुवा, तथा विभिन्न संघसंस्थाका प्रतिनिधिहरूको उल्लेखनीय उपस्थिति थियो।
सशक्त नेतृत्व चयनसँगै कान्साई क्षेत्रीय समितिको आगामी कार्यकाललाई थप ऊर्जाशील र समुदायमुखी बनाउने अपेक्षा गरिएको छ।
