पर्थ, पश्चिम अष्ट्रेलिया — आगामी २६ जुलाई २०२५ मा हुन गइरहेको NRNA Australia – Western Australia को निर्वाचनलाई लक्षित गर्दै, सुमन पौडेल (काला) ले Youth Deputy Coordinator पदमा आफ्नो उम्मेदवारी सार्वजनिक गरेका छन्।
सुमन पौडेलले NRNA लाई प्रवासी नेपालीहरूको साझा पहिचान र भविष्य निर्माणको मुख्य आधार भन्दै, अबको नेतृत्वले युवाको प्रतिनिधित्व, समावेशिता र उत्तरदायित्व बोकेको हुनुपर्ने आवश्यकता औँल्याएका छन्।
“NRNA केवल संस्था होइन — यो हाम्रा सपना र सम्भावनाको साझा केन्द्र हो”
अष्ट्रेलियामा रहँदै, नेपाली समुदायसँग निरन्तर जोडिएर कार्यक्रम, अभियान र सहकार्यहरूमा सक्रिय रहँदै आएका सुमनले अब आफ्ना अनुभव, ऊर्जा र सेवाभावलाई संस्थागत रूपमा प्रयोग गर्ने समय आएको स्पष्ट पारेका छन्।
उनले आफ्नो अभियानलाई “युवाको आवाज, सामुदायिक समृद्धि” को मूल नारा दिँदै, सबैको साथ र सुझावमा काम गर्ने प्रतिबद्धता व्यक्त गरेका छन्।
सुमन पौडेल (काला) का प्रतिबद्धताहरू:
युवाहरूको आवाजलाई संस्थागत बनाउने
समुदायलाई अझ संगठित र समृद्ध बनाउने प्रयास
सबैको सहभागिता र सुझावमा आधारित नेतृत्व शैली
सांस्कृतिक जगेर्ना र सामाजिक एकता प्रवर्द्धन
उनको अपिल:
“NRNA हाम्रो भविष्य हो। यो संस्थालाई जिम्मेवार, युवा–मैत्री र सहभागी बनाउने जिम्मेवारी हामी सबैको हो। म तपाईंहरूको साथ, सुझाव र मतको हार्दिक अपेक्षा गर्दछु।” — सुमन पौडेल (काला)
