डार्विन, अष्ट्रेलिया – गैर-आवासीय नेपाली संघ (NRNA) नर्दन टेरिटोरीको आगामी कार्यकाल २०२५–२०२७ का लागि भवानी पौडेलले राज्य संयोजक पदमा आफ्नो उम्मेदवारी औपचारिक रूपमा घोषणा गर्नुभएको छ।
२०१४ देखि अष्ट्रेलियामा बसोबास गर्दै आउनुभएका पौडेल एनआरएनए गतिविधिमा अनुभवी र सक्रिय अभियन्ता हुन्। उहाँले यसअघि NRNA NSW मा कार्यसमिति सदस्य (२०१९–२१) र हाल NRNA NT का उपसंयोजक (२०२३–२५) को रूपमा योगदान दिँदै आउनुभएको छ।
उहाँले सार्वजनिक गर्नुभएको कार्ययोजना अनुसार, निम्न विषयहरूमा विशेष ध्यान केन्द्रित रहनेछ:
✅ सामुदायिक पहिचान मजबुत बनाउने
✅ नेपाली सामुदायिक भवन निर्माणको पहल
✅ नयाँ विद्यार्थी तथा आप्रवासीलाई स्वागत र परामर्श कार्यक्रम
✅ दोस्रो पुस्ताका युवालाई नेपाली संस्कृति र नेतृत्वमा संलग्न गराउने
✅ परिवारमुखी खेलकुद सप्ताहको आयोजना
✅ अन्तरसंस्कृतिक कार्यक्रम प्रवर्द्धन
✅ ग्रामीण तथा क्षेत्रीय नेपालीहरूको समावेशी उपस्थिति सुनिश्चित गर्ने
पौडेलले आफ्नो उम्मेदवारीको क्रममा पारदर्शिता, सहभागिता र दीर्घकालीन सोच मार्फत एनआरएनएलाई अझै संगठित, जवाफदेही र समावेशी संस्था बनाउने प्रतिबद्धता व्यक्त गर्नुभएको छ।
उहाँको उम्मेदवारीलाई नेपाली समुदायले अनुभव र नतिजामूलक नेतृत्वको संयोजनका रूपमा हेरिरहेका छन्।
