सन्दिप अधिकारीद्वारा एनआरएनए अष्ट्रेलिया – NSW राज्य सचिव पदका लागि उम्मेद्वारी घोषणा

“समुदायका अग्रजहरूलाई सम्मान गर्दै, अनुभव, युवाको जोश र सक्षम टिमसहित हामी समाजसेवामा अग्रसर छौं,” अधिकारीले आफ्नो वक्तव्यमा उल्लेख गरेका छन्। उनले पारदर्शिता, समर्पण र इमानदारीका साथ काम गर्ने प्रतिबद्धता जनाएका छन्।

NRNA NSW को सचिव पदका लागि हुने निर्वाचन आगामी २६ जुलाई २०२५ (शनिबार) मा तोकिएको छ।

अधिकारीले अघिल्ला वर्षहरूको अनुभव र हालको सक्रियता समेट्दै सबै नेपालीको सहभागितामा एक सशक्त र एकीकृत डायस्पोरा निर्माण गर्ने लक्ष्य रहेको बताएका छन्।

“समुदायको हितमा, युवा सोच र अनुभवी नेतृत्वको संयोजनमार्फत NRNA लाई अझै प्रभावकारी बनाउने हाम्रो उद्देश्य हो,” उनले थपे।

अन्त्यमा उनले सम्पूर्ण नेपाली समुदायलाई धन्यवाद दिँदै सक्रिय सहभागिताको आह्वान गरेका छन्।

“हिजोका अनुभव र आजका सक्रियतासँगै, हामी सबैको सहभागितामा एक मजबुत डायस्पोरा निर्माण गरौं।”