सिड्नी, अष्ट्रेलिया – १२ जुलाई २०२५
सिड्नी निवासी, सामाजिक सेवामा सक्रिय तथा समर्पित व्यक्तित्व हरिकृष्ण अधिकारीले आगामी कार्यकाल NRNA ICC Member (2025–2027) पदका लागि आफ्नो उम्मेदवारी औपचारिक रूपमा घोषणा गरेका छन्।
उनी विगत १९ वर्षदेखि अष्ट्रेलियामा स्थायी रूपमा बसोबास गर्दै, नेपाली समुदायका विविध गतिविधिमा निरन्तर सहभागी रहँदै आएका छन्। NRNA अभियानमा समेत निरन्तर क्रियाशील रहँदै आएका अधिकारीले अब ICC सदस्यको रूपमा अन्तर्राष्ट्रिय स्तरमा नेपाली डायस्पोराको हितमा योगदान दिन चाहेका छन्।
“एकता, पारदर्शिता र समावेशीतामा आधारित सेवा मेरो मूलधार हो” – हरिकृष्ण अधिकारी
उम्मेदवारी घोषणासँगै अधिकारीले उल्लेख गरे, “हामी अनुभवी र समर्पित टिमको साथमा, समुन्नत र एकीकृत नेपाली डायस्पोराको निर्माणमा जुटिरहेका छौं। हाम्रो सेवा साँचो सामुदायिक आवश्यकतामा आधारित हुनेछ, जसको मूलमा पारदर्शिता, समावेशी विकास र साझा प्रतिबद्धता हुनेछ।”
उनले एनआरएन अभियानलाई केवल संस्था होइन, विश्वभर रहेका नेपालीहरूबीचको आत्मीय सम्बन्ध र सहकार्यको माध्यमको रूपमा अघि बढाउने दृष्टिकोण राखेका छन्।
कार्ययोजना चाँडै सार्वजनिक हुने
उनले आगामी दिनमा आफ्नो टिमको स्पष्ट कार्ययोजना सार्वजनिक गर्ने जानकारी पनि दिएका छन्।
“हामी ठूला परिवर्तनहरू ल्याउन सक्छौं—तर त्यो तब सम्भव हुन्छ, जब हामी सबै मिलेर अघि बढ्छौं,” अधिकारीको भनाइ थियो।
उनी भोटको मिति सेभ गर्न सबैलाई आह्वान गर्दै, एनआरएन अभियानमा साथ र समर्थनको अपिल गरेका छन्।
