पर्थ, अष्ट्रेलिया – १२ जुलाई २०२५
नेपाली डायस्पोराभित्र सक्रिय सामाजिक योगदान गर्दै आएका रोयल सिग्देलले आगामी कार्यकालका लागि NRNA वेस्टर्न अष्ट्रेलिया राज्य कार्यसमिति सदस्य पदमा उम्मेदवारी घोषणा गरेका छन्।
उनले आफूलाई एनआरएन अभियानप्रति समर्पित, समावेशी सोच बोकेको र समुदायको सेवा गर्न तत्पर उम्मेदवारको रूपमा प्रस्तुत गरेका छन्।
“एनआरएनए सेवा हो, सम्मान हो, जिम्मेवारी हो” – रोयल सिग्देल
उम्मेदवारी घोषणा गर्दै सिग्देलले भने, “NRNA यस्तो संस्था हो, जसले संसारभर छरिएर रहेका नेपालीलाई एउटै छातामुनि ल्याएको छ। यसको हिस्सा भएर काम गर्नु केवल सम्मान मात्र होइन, यो समुदायप्रति हाम्रो दायित्व पनि हो।”
उनको प्रमुख प्रतिबद्धताहरू यसप्रकार छन्:
-
समुदायको सशक्त सहभागिता र समावेशीता सुनिश्चित गर्ने
-
युवा, महिला तथा अग्रज सदस्यहरूका लागि लक्षित कार्यक्रमहरू सञ्चालन गर्ने
-
सांस्कृतिक, सामाजिक र शैक्षिक कार्यक्रमहरू मार्फत नेपाली पहिचान प्रवर्द्धन गर्ने
-
एनआरएनएलाई पारदर्शी, उत्तरदायी र मर्यादित संस्था बनाउनेतर्फ सक्रिय योगदान दिने
सिग्देलले थपे, “संस्था तब मात्र बलियो बन्छ जब सदस्यहरूको आवाज सुनिन्छ, सम्मान गरिन्छ र उनीहरूलाई निर्णय प्रक्रियामा सहभागी गराइन्छ।”
स्वस्थ र मर्यादित निर्वाचनतर्फको आह्वान
अन्तमा, उनले सबै उम्मेदवार तथा समुदायलाई मर्यादित र विचारमा आधारित निर्वाचन प्रक्रिया अपनाउन आग्रह गरे। “प्रतिस्पर्धा विचार र योजनाको होस्, व्यक्तिगत आरोप–प्रत्यारोपको होइन,” सिग्देलको स्पष्ट सन्देश थियो।
उनी NRNA Australia 2025–2027 कार्यकालमा पश्चिम अष्ट्रेलियाको प्रतिनिधित्व गर्न सामूहिक विश्वास र समर्थनको अपेक्षा गर्दै अघि बढेका छन्।
