सिड्नी, अष्ट्रेलिया –
गैरआवासीय नेपाली संघ (NRNA) अष्ट्रेलियाको आगामी २०२५–२०२७ कार्यकालका लागि राष्ट्रिय युवा सचिव पदमा सचिन थापाले औपचारिक उम्मेदवारी घोषणा गरेका छन्। अष्ट्रेलियामा रहेका नेपाली युवाहरूको सशक्तिकरण र समुन्नत भविष्य निर्माणको अभियानमा लामो समयदेखि सक्रिय थापाले “सेवामूलक नेतृत्व” को सिद्धान्तलाई आत्मसात गर्दै आफूलाई उम्मेदवारको रूपमा अघि सारेका हुन्।
उहाँले अष्ट्रेलियास्थित नेपाली डायस्पोरालाई सम्बोधन गर्दै भन्नुभएको छ, “व्यक्तिगत स्वार्थभन्दा सामूहिक प्रगति सधैं अघि आउनुपर्छ भन्ने विश्वासले मेरो कार्यशैलीलाई मार्गनिर्देशन गर्दै आएको छ।”
अनुभव र प्रतिबद्धता
सचिन थापाले विगत केही वर्षदेखि एनआरएनए अष्ट्रेलियाका विभिन्न जिम्मेवारीमा काम गर्दै आउँदा नेपाली युवाहरूसँग नजिकबाट काम गर्ने अवसर पाएका छन्। यस अनुभवको आधारमा अब राष्ट्रिय तहमा अझ ठूलो प्रभाव पार्ने संकल्पका साथ उम्मेदवारी अघि सारेको उहाँले बताएका छन्।
भावी योजना र प्राथमिकताहरू
थापाले छिट्टै आफूले अघि सारेको दृष्टिकोण, मुख्य प्राथमिकता र कार्ययोजना सार्वजनिक गर्ने जनाएका छन्, जसमा विशेषतः:
-
युवाका लागि अवसरको निर्माण,
-
व्यक्तिगत तथा सामूहिक विकासको प्रवर्द्धन, र
-
अष्ट्रेलियामा बसोबास गरिरहेका नेपाली युवाहरूले भोगिरहेका चुनौतीहरूको समाधान मुख्य रूपमा समेटिनेछ।
विश्वास र समर्थनको अपिल : “तपाईंहरूको साथ र विश्वास नै मेरो यात्राको प्रेरणा हो,” भन्दै थापाले सम्पूर्ण अष्ट्रेलियावासी नेपाली युवालाई आफ्नो अभियानमा साथ दिन आह्वान गरेका छन्।
