मुम्बई, ५ भदौं । भोजपुरी सुपरस्टार तथा गायक पवन सिंह कानुनी समस्यामा फसेका छन् ।
वाराणसी अदालतले अभिनेता विरुद्ध मुद्दा दर्ता गर्न आदेश दिएको छ। व्यापारी विशाल सिंहका तर्फबाट जिल्ला अदालतमा निवेदन परेको थियो ।
पवन सिंहसहित अन्य दुईजनाले करिब सबा करोड रुपैयाँ लगानी गर्न लगाएर फिर्ता नदिएको आरोप लागेको छ । फिल्म बनाउन लिएको १.२५ करोड फिल्म रिलिज भए पछि अभिनेताले उनलाई आफ्नो हिस्साको पैसा दिएनन् ।
यो केस २०१८ मा रिलिज भएको फिल्म ‘बोस’सँग सम्बन्धित छ, जसमा विशाल सिंहलाई लगानी गर्ने नाममा ठगी गरिएको भनिएको छ । विशाल सिंहका वकिलले एक करोडभन्दा बढीको ठगी भएको बताएका छन् । मुख्य न्यायिक मजिस्ट्रेट वाराणसीले पवन सिंह सहित ४ जना विरुद्ध मुद्दा दर्ता गर्न आदेश दिएको जानकारी दिएका छन् ।
पवन सिंहले ठगी गरेको आरोप लगाउँदै विशाल सिंहका वकिल राहुल द्विवेदीले भने, ‘मेरो क्लाइन्ट विशाल सिंह व्यापारी हुन् । उनले मुम्बईमा प्रेमशंकर रायलाई भेटेका थिए। उनी चलचित्र निर्देशक हुन् । त्यसपछि उनले फिल्म निर्माणको सिलसिलामा धेरैसँग भेट गरेका थिए । त्यसपछि उनले पैसा लगानी गर, फिल्म बनाएर नाफा दिन्छौं भने । त्यसपछि पवन सिंहसँग भेटवार्ता भयो।’
वकिल राहुल द्विवेदीले अगाडी भने, ‘पवन सिंहले पनि पैसा लगानी गरेर फिल्म बनाउन भनेका थिए । फिल्म बन्यो र हिट भयो तर मेरो क्लाइन्टलाई पारिश्रमिक दिएनन, त्यसपछि मेरो क्लाइन्ट चिन्तित भए र हामीकहाँ आए। प्रहरी चौकी गयौं, त्यहाँ सुनुवाइ भएन । हामीले अदालतको बाटो लियौं र अब अदालतले ठीक ठानेर ठगीको मुद्दा दर्ता गर्न आदेश दिएको हो ।’
वाराणसीको एक जिल्ला अदालतले फिल्म लगानी घोटालामा १३ अगस्त २०२५ मा पवन सिंह विरुद्ध यो आदेश दिएको उनले जानकारी दिएका छन् । अदालतले अभियुक्त विरुद्ध ठगी र किर्तेको मुद्दा प्रमाणित भएको पहिलो फेस स्वीकार गरेका छन । जिल्ला अदालतले सीआरपीसीको दफा १७३ (४) बमोजिम कारबाही गर्दै क्यान्ट प्रहरी चौकीमा ठगीको मुद्दा दर्ता गर्न आदेश दिएको हो ।
