लन्डन, ९ असार । बेलायती प्रधानमन्त्री केयर स्टारमरले राजीनामा दिए पछि बेलायतमा नयाँ प्रधानमन्त्रीका बारेमा बहस सुरू भएको छ।
अंग्रेजी मिडियाहरूले एन्डी बर्नह्यामले नयाँ प्रधानमन्त्रीको रूपमा उनको स्थानमा आउने अपेक्षा गरिएको उल्लेख गरिएको छ। बर्नह्यामले प्रधानमन्त्री पदको लागि आफ्नो उम्मेदवारीको घोषणा पनि गरिसकेका छन्। केही दिन अर्थात गत जुन १९ मा मेकरफिल्ड उप चुनाव जितेपछि बर्नह्याम सांसद बनेका थिए । पार्टी भित्र उनको लोकप्रियताले स्टारमरको कठिनाइ पहिले नै बढाएको थियो, जसले उनलाई राजिनामा दिन बाध्य बनायो ।
भावी प्रधानमन्त्रीको रूपमा हेरिएका बर्नह्यामको जन्म १९७० मा लिभरपूलमा भएको थियो तर उनको बाल्यकाल चेशायरको कल्चेथ गाउँमा बित्यो। उनका बुबा टेलिकम कम्पनी बीटीका इन्जिनियर थिए भने उनकी आमा क्लिनिकमा रिसेप्शनिस्ट थिइन्। दुवै जना सुरू देखी नै लेबर पार्टीका समर्थक थिए। एन्डी बर्नह्यामको राजनीतिमा प्रवेश गर्ने निर्णय राजनीतिक भाषणले होइन, टेलिभिजन नाटक हेरेर भएको थियो।
उनले १४ वर्षको उमेरमा बीबीसीको लोकप्रिय धारावाहिक ‘ब्वाइज फ्रम द ब्ल्याक स्टफ’ हेरेपछि लेबर पार्टीमा सामेल हुने निर्णय गरेको उनले एउटा अन्तर्बातामा उल्लेख गरेका थिए । सो नाटकले लिभरपुलमा बेरोजगारी र आर्थिक संकटका मुद्दाहरूलाई सम्बोधन गरेको थियो। आयरिश मूलका बर्नह्याम राजनीतिमा मात्र सीमित छैनन्। उनी लिभरपुलको एभर्टन फुटबल क्लबको ठूलो प्रशंसकसमेत हुन्।
एन्डी बर्नह्यामले क्याम्ब्रिज विश्वविद्यालयमा अंग्रेजी साहित्य पढेका थिए तर त्यहाँको वातावरण उनको लागि सजिलो थिएन। आफ्नो पुस्तक ‘हेड नर्थ’ मा उनले लेखेका छन् कि उनलाई प्रायः त्यहाँको होइन र ‘बाहिरी व्यक्ति’ जस्तो महसुस हुन्थ्यो भनेर उल्लेख गरेका छन् । अध्ययनको क्रममा संगीतमा उनको रुचि बढ्यो। उनका अनुसार ‘द स्मिथ्स’ र ‘द स्टोन रोजेस’ जस्ता म्यानचेस्टर आधारित इन्डी ब्यान्डहरूको संगीतले उनको सोच र व्यक्तित्वलाई धेरै प्रभाव पारेको थियो। बर्नह्यामका अनुसार यो संगीत संस्कृतिले उनलाई आफ्नो अद्वितीय पहिचान दियो।
खासमा बर्नह्यामको प्रेमकथा क्याम्ब्रिज विश्वविद्यालयबाट सुरु भएको थियो। त्यहीँ उनको भेट डच मूलकी मेरी–फ्रान्स भ्यान हीलसँग भयो। अंग्रेजी साहित्य पढ्दै गर्दा उनीहरू नजिकिए र धेरै वर्षपछि सन २००० मा विवाहसमेत गरे। आज उनीहरूका तीन सन्तान रहेका छन्।
बर्नह्यामले २००९ को एक अन्तर्वार्तामा द गार्जियनलाई भनेका थिए कि उनी सुरुमा परिवार बनाउने योजनामा थिएनन् किनकि पहिले जीवनमा स्थिरता प्राप्त गर्नु महत्त्वपूर्ण छ भन्ने विश्वास गर्ने गर्दथे । एन्डी बर्नह्यामले आफ्नो करियर राजनीतिबाट होइन, पत्रकारिताबाट सुरु गरेका थिए। स्नातक पछि उनले ‘ट्याङ्क वर्ल्ड’ र ‘प्यासेन्जर वर्ल्ड’ म्यानेजमेन्ट जस्ता पत्रिकाहरूमा काम गरेका थिए । उनको पहिलो राजनीतिक ब्रेक २० वर्षको उमेरमा आयो, जब उनी लेबर सांसद टेसा जोवेलको लागि अनुसन्धानकर्ता बनेका थिए ।
त्यसपछि बर्नह्याम चाँडै राजनीतिमा प्रख्यात भए। उनले संस्कृति सचिव क्रिस स्मिथको सल्लाहकारको रूपमा कामसमेत गरेका थिए र पहिलो पटक २००१ मा ग्रेटर म्यानचेस्टरको लेह निर्वाचन क्षेत्रबाट संसद सदस्यको रूपमा निर्वाचित भएका थिए । गोर्डन ब्राउनको कार्यकालमा उनको कद अझ बढ्यो, जसले गर्दा उनले क्याबिनेट पद प्राप्त गरेका थिए, जहाँ उनले वित्त, संस्कृति र स्वास्थ्य जस्ता प्रमुख विभागहरू सम्हालेका थिए। संसदमा प्रवेश गरे पछि बर्नह्यामले टोनी ब्लेयरको सरकारमा कनिष्ठ मन्त्रीको रूपमा काम गरेको अनुभवसमेत छ ।
