काठमाडौं, ०५ साउन । नेपाल राष्ट्र बैंकले सोमबारका लागि विदेशी मुद्राको आधिकारिक विनिमयदर सार्वजनिक गर्दै प्रमुख अन्तर्राष्ट्रिय मुद्राको नयाँ खरिद–बिक्री मूल्य निर्धारण गरेको छ। सार्वजनिक दरअनुसार अमेरिकी डलरको बिक्री मूल्य १५४ रुपैयाँ ६२ पैसा र खरिद मूल्य १५४ रुपैयाँ ०२ पैसा कायम भएको छ।
केन्द्रीय बैंकका अनुसार युरो, बेलायती पाउण्ड र स्वीस फ्रयाङ्कको मूल्य पनि उच्च स्तरमै कायम छ। एक युरोको बिक्रीदर १७६ रुपैयाँ ७२ पैसा, बेलायती पाउण्डको २०८ रुपैयाँ १३ पैसा तथा स्वीस फ्रयाङ्कको १९१ रुपैयाँ ३३ पैसा तोकिएको छ। त्यस्तै, अष्ट्रेलियन डलर १०८ रुपैयाँ २० पैसा, क्यानेडियन डलर ११० रुपैयाँ २० पैसा र सिङ्गापुर डलर ११९ रुपैयाँ ७६ पैसामा बिक्री हुने राष्ट्र बैंकले जनाएको छ।
एसियाली मुद्रातर्फ चिनियाँ युआन, जापानी येन, यूएई दिराम, कतारी रियाल तथा साउदी रियालको विनिमयदर पनि सार्वजनिक गरिएको छ। भारतीय १०० रुपैयाँको खरिददर १६० रुपैयाँ र बिक्रीदर १६० रुपैयाँ १५ पैसा कायम गरिएको छ।
राष्ट्र बैंकले आवश्यक परे विनिमयदर जुनसुकै समयमा संशोधन गर्न सकिने स्पष्ट पारेको छ। साथै, वाणिज्य बैंकहरूले निर्धारण गर्ने दरमा सामान्य अन्तर हुन सक्ने भएकाले कारोबारअघि सम्बन्धित बैंक वा राष्ट्र बैंकको आधिकारिक वेबसाइटमार्फत अद्यावधिक विनिमयदर हेर्नुपर्ने सुझाव पनि दिएको छ।
