केशव सिंहद्वारा एनएसडब्ल्युस्थित एसवाईएफ युवा संयोजक पदमा उम्मेदवारी घोषणा

नेपाली समुदायप्रति समर्पित भावनाका साथ सिंहले आफ्नो उम्मेदवारी सार्वजनिक गर्दै भने, “युवा वर्गको सहभागिता, सशक्तिकरण र नेतृत्व विकासलाई प्राथमिकता दिँदै, म अनुभव, जोश, र प्रतिबद्धता बोकेर यो जिम्मेवारी लिन तयार भएको छु।”

उनले आफ्नो अभियान पारदर्शी, समावेशी र युवामैत्री हुने विश्वास दिलाउँदै सबै युवाहरूलाई सहभागिताको लागि आह्वान गरेका छन्। उनले सबै समुदायको साथ र समर्थन अपेक्षा गर्दै, युवाको आवाज बुलन्द बनाउँदै एक सशक्त र प्रेरणादायी भविष्य निर्माण गर्ने अठोट व्यक्त गरेका छन्।

केशव सिंह विगतदेखि नै नेपाली समुदायमा सक्रिय युवाको रूपमा परिचित छन्। उनको नेतृत्वमा विविध सामाजिक तथा सांस्कृतिक कार्यक्रमहरूमा युवाको सहभागिता उल्लेखनीय रहेको छ।