डर्विन, अष्ट्रेलिया — आगामी गैरआवासीय नेपाली संघ (NRNA) नर्दन टेरिटोरी (NT) को कार्यकाल २०२५–२०२७ का लागि हुने निर्वाचनमा मुकुन्द खरेलले युवा सदस्य (Youth Member) पदमा आफ्नो उम्मेदवारी औपचारिक रूपमा घोषणा गरेका छन्।
युवाप्रतिको समर्पण र समुदायप्रतिको प्रतिबद्धता
उनले एनटी र समग्र अष्ट्रेलियामा रहेका नेपाली समुदायलाई सम्बोधन गर्दै लेखेका छन्: “यो यात्रा ठूला वाचा होइन, तर साना र स्थायी प्रयासमार्फत हाम्रो साझा मूल्यलाई आधार बनाएर समुदायमा सार्थक प्रभाव पार्ने हो।”
मुकुन्दले नेपाली युवा, संस्कृति र समुदायलाई केन्द्रमा राखेर सशक्त नेतृत्व गर्न खोजेको उल्लेख गर्दै आफू डर्विन र नेपाल दुबै स्थानमा नेपाली पहिचान र सम्बन्ध मजबुत बनाउन कटिबद्ध रहेको बताएका छन्।
मुख्य कार्यक्षेत्रहरू:
1️⃣ नयाँ आगन्तुक विशेष गरी विद्यार्थीहरूलाई स्थानीय जानकारी र मार्गदर्शनमा सहयोग
2️⃣ विद्यार्थी तथा युवाहरूमा देखिन सक्ने मानसिक स्वास्थ्य र लत सम्बन्धी समस्यामा सचेतना अभियान
3️⃣ खेलकुद, कला र सांस्कृतिक कार्यक्रममार्फत नेपाली युवाहरूलाई सक्रिय र संगठित राख्ने
उनले उल्लेख गरेअनुसार, यी साना प्रयासहरूले समुदायमा सकारात्मक ऊर्जा सिर्जना गर्ने र नेपालीपनलाई गौरवका साथ अँगाल्ने वातावरण निर्माण गर्ने विश्वास छ।
समर्थनको अपिल :“हामी जहाँ भए पनि, नेपाल हाम्रो पहिचान हो। यसलाई गर्वका साथ बोक्दै, युवालाई सशक्त बनाउँदै, समुदायलाई जोड्दै अगाडि बढ्नु नै मेरो उद्देश्य हो। म तपाईंहरूको साथ, विश्वास र मतको हार्दिक अपिल गर्दछु।”
