क्यानबेरा, अष्ट्रेलिया – आगामी गैरआवासीय नेपाली संघ (NRNA) अष्ट्रेलिया ACT राज्य समन्वय परिषद् (SCC) निर्वाचनका लागि रञ्जित रेग्मीले सदस्य पद (2025–2027 कार्यकाल) का लागि आफ्नो उम्मेदवारी औपचारिक रूपमा घोषणा गरेका छन्।
“संयुक्त प्रयासका लागि एकताको संकल्प” भन्ने मूल सन्देशसहित रेग्मीले आफू प्रतिनिधित्व, एकता र साझा प्रगतिमा आधारित नेतृत्वका लागि उभिएको स्पष्ट पारेका छन्।
व्यक्तिगत यात्रा र दृष्टिकोण
उनले नेपालदेखि अष्ट्रेलियासम्मको आफ्नो यात्रा सेवा, सम्मान र सहभागिताको आधारमा अघि बढेको बताउँदै लेखेका छन्: “यो उम्मेदवारी पदका लागि मात्र होइन, हाम्रो समुदायको सम्मान, आवाज र सहभागिता सुनिश्चित गर्ने संकल्प हो।”
उनको विचारधारा र मूल्यहरू:
🔹 न्याय र समावेशिता — हरेक आवाज महत्त्वपूर्ण हुन्छ
🔹 संस्कृति र परम्पराप्रतिको सम्मान — अगाडि बढ्दै गर्दा जरा बिर्सिदैनौं
🔹 पदभन्दा सम्बन्ध प्राथमिक — नेतृत्व सुन्ने क्षमता हो, न कि केवल पद
🔹 लगातार र शान्त नेतृत्व — व्यावहारिक र स्थिर सोचका साथ काम गर्ने
SCC सदस्यको रूपमा उनका प्रमुख एजेन्डाहरू:
-
नयाँ आप्रवासीहरूलाई सहज रुपमा बसोबासको सुरुवातमा साथ दिने
-
युवा र समुदायबीच सशक्त सम्बन्ध निर्माण गर्ने
-
सबै संस्थासँग सहकार्य र सम्मानजनक संवाद प्रोत्साहित गर्ने
-
सीप विकास, सामुदायिक संलग्नता र अवसरको प्रवर्द्धन गर्ने
-
पारदर्शिता र उत्तरदायित्वलाई प्राथमिकता दिने
“म विश्वास गर्छु, नेतृत्व बोल्नुभन्दा बढी सुन्ने, जोड्ने र निष्पक्षताका साथ अगाडि बढ्ने प्रक्रिया हो।”
