सिड्नी, अष्ट्रेलिया — अष्ट्रेलियामा बसोबास गर्दै आएका समाजसेवी राजेश के.सी.ले आगामी कार्यकालका लागि गैरआवासीय नेपाली संघ (NRNA) को अन्तर्राष्ट्रिय समन्वय परिषद् (ICC) सदस्य पदमा उम्मेदवारी घोषणा गरेका छन्।
नेपाली समुदायमा लामो समयदेखि सक्रिय भूमिका निभाउँदै आएका के.सी.ले उम्मेदवारी घोषणासँगै आफ्नो समर्पण, प्रतिबद्धता र सेवाको भावना व्यक्त गर्दै, सबै नेपालीको साथ र सद्भावको अपेक्षा गरेका छन्।
उनले भनेका छन्, “म अष्ट्रेलियाको सिड्नी निवासी प्रबासी नेपाली हुँ, र यहाँको नेपाली समाजसँग लामो समयदेखि जोडिएर विभिन्न सामाजिक र सांस्कृतिक क्रियाकलापमा सहभागी हुँदै आएको छु। यो यात्रामा मैले थुप्रै अनुभव संकलन गरेँ, जुन अब म एनआरएनएमार्फत अन्तर्राष्ट्रिय स्तरमा उपयोग गर्न चाहन्छु।”
उम्मेदवारीका मूल उद्देश्य:
-
विश्वभर रहेका नेपालीहरूको हकहितको संरक्षण र प्रवासी नेपालीबीच एकताको सन्देश फैलाउने।
-
समाजमा सक्रिय नेपालीहरूको नेतृत्वलाई संस्थागत गर्दै युवापुस्ताको सहभागिता बढाउने।
-
नेपाल–अष्ट्रेलिया सम्बन्धलाई समुदायस्तरबाट अझ सुदृढ बनाउने।
-
एनआरएनएको निर्णय प्रक्रियामा पारदर्शिता र जवाफदेहिता सुनिश्चित गर्ने।
राजेश के.सी.ले थपे, “मैले यो उम्मेदवारी केवल पदका लागि होइन, सेवाका लागि दिएको हुँ। समुदायका सुख–दुःखमा साथ दिने, आवाज सुन्ने र प्रतिनिधित्व गर्ने प्रतिबद्धताका साथ यो यात्रा थालेको छु।”
