पर्थ, अस्ट्रेलिया — गैर-आवासीय नेपाली संघ (NRNA) पश्चिम अस्ट्रेलियाको आगामी कार्यकाल (२०२५–२०२७) को निर्वाचनका लागि शिल्पा पोखरेलले ‘महिला संयोजक’ पदमा उम्मेदवारी घोषणा गरेकी छिन्।
पहिलेको कार्यकालमा ‘उप-युवा संयोजक’ (Deputy Youth Coordinator) को जिम्मेवारी सम्हालिसकेकी पोखरेलले आफ्नो अनुभव र प्रतिबद्धतालाई आधार बनाउँदै समुदायका महिला दिदीबहिनीहरूको सशक्तिकरणका लागि अझ सक्रिय भएर काम गर्ने बताएकी छिन्।
“म महिला दिदीबहिनीहरूको आवाजलाई बुलन्द गर्न र समाजका हरेक क्षेत्रमा उहाँहरूको सहभागिता सुनिश्चित गर्न चाहन्छु,” पोखरेलले आफ्नो घोषणामा उल्लेख गरेकी छिन्।
उनले प्रस्तुत गरेका प्रमुख प्रतिबद्धताहरू यसप्रकार छन्:
-
महिला सशक्तिकरण: सीपमूलक, ज्ञानवर्द्धक तथा नेतृत्व विकासका कार्यक्रमहरू सञ्चालन।
-
एकता र सञ्जाल: विभिन्न पेसा र क्षेत्रमा संलग्न महिलाबीच सशक्त नेटवर्क निर्माण।
-
सहभागिता र प्रतिनिधित्व: सामाजिक तथा संस्थागत निर्णय प्रक्रियामा महिलाहरूको सक्रिय संलग्नता।
-
समर्थन र आवाज: महिलाका समस्या र आवश्यकतालाई सम्बोधन गर्न आवाज उठाउने माध्यम बन्ने।
शिल्पा पोखरेलले आफ्नो उम्मेदवारीप्रति विश्वास, साथ र समर्थन जनाउन सम्पूर्ण पश्चिम अस्ट्रेलियावासी नेपाली समुदायलाई आह्वान गरेकी छन्।
“यहाँहरूको साथ, समर्थन र सुझावको सदैव अपेक्षा रहनेछ,” उनले भनेकी छन्, “यहाँहरूकै साथमा, यहाँहरूकै लागि!”
