कुवेत, कुवेतमा घरेलु कामदारको रूपमा कार्यरत सर्लाहिकी मनमाया तामाङ लाई एनआरएनए कुवेतले उद्दार गरी सुरक्षित रूपमा नेपाल फिर्ता गराएको छ। उनलाई स्वास्थ्य समस्या देखिएपछि स्पोन्सरले अफिसमा पठाएका थिए, तर त्यहाँ बेहोस भएपछि फर्वानिया हस्पिटलमा २२ दिन आइसीयू र करिब ३ महिनासम्म उपचार गराइयो।
उद्दारको सम्पूर्ण प्रक्रिया एनआरएनए कुवेत, नेपाली दूतावास र आफन्तको सहकार्यमा सम्पन्न भएको हो। भारतिय नागरिकद्वारा सञ्चालित अफिसबाट कानुनी र आर्थिक प्रक्रियाहरू पूरा गरी उनलाई नेपाल पठाइएको थियो।
एनआरएनए कुवेतले सबै वैदेशिक रोजगारमा जाने नेपाली दिदीबहिनीलाई सुरक्षित र वैधानिक माध्यम प्रयोग गर्न अनुरोध गरेको छ। उनीहरूले अवैध अफिस वा तेस्रो मुलुकको सेटिङमा नपर्न ध्यान दिनु पर्ने बताइएको छ।
यो घटनाले नेपाली महिलाका लागि वैदेशिक रोजगारमा सुरक्षा र अधिकार सुनिश्चित गर्ने आवश्यकतालाई पुनः उजागर गरेको छ।
