तस्विरमा हेर्नुहाेस् गोरखा दरबार र गोरखा बजार

गोरखा दरबार नेपालको ऐतिहासिक र सांस्कृतिक दृष्टिले अत्यन्त महत्वपूर्ण स्थल हो। यो दरबार गोरखा जिल्लाको गोरखा नगरपालिका–१ मा, समुद्र सतहदेखि करिब १,४५० मिटरको उचाइमा अवस्थित छ। यस दरबारबाटै आधुनिक नेपालको एकीकरणको थालनी भएको हो। दरबार परिसरमा कालिका मन्दिर, गोरखनाथ मन्दिर, र पुरानो राजदरबार (गोरखा दरबार) अवस्थित छन्। यो दरबार पहाडको टाकुरोमा रहेको हुँदा यहाँबाट गोरखा बजार, हिमालहरू, र वरपरका दृश्यहरू अवलोकन गर्न सकिन्छ। गोरखा बजार गोरखा जिल्लाको प्रमुख व्यापारिक तथा प्रशासनिक केन्द्र हो। यो बजार गोरखा दरबारभन्दा तल अवस्थित छ ।